Хин

см. Хин – перевод

Хин, цæст

I

– фæцæсты кæнын, цæстдзыд кæнын; магион дзырдты фæрцы фыдбылызтæ, знаггад скæнын; адæмыл, фосыл низтæ бафтауын æмæ афтæ дарддæр; сусæг, магион мадзæлттæ, фыдракæндтæ;

II

– фæцæсты кæныны, фыдбылызтæ æрхæссыны æмæ низтæ бафтауыны тыххæй кæмæй пайда кодтой, ахæм предметтæ: низтæ æмæ æндæр фыдбылызтæ-иу цы бинонтыл бафтауынмæ хъавыдысты, уыдон хæдзары лыстæг дзаумæттæ, стæй алыхуызон (ирон адæмы хъуыдымæ гæсгæ) «чъизи» предметтæ – хъæддаг сырдты æмæ хæдзарон фосы сæфтджытæ æмæ дзæмбытæ, сæ ахст туг æмæ сæ хъуыны бындзыгтæ, адæймаджы сæры хъуынтæ, йæ къухы ныхты æмæ æнд.ах. Æппæт уыцы предметтыл-иу сусæг ныхасы æмæ магион дзырдты фæрцы хинтæ бафтыдтой, уыцы хуыддаджы тыххæй-иу кæй æрбахуыдтой, уыцы хингæнджытæ, стæй-иу сæ баппæрстой, хинтæ кæмæн кодтой, уыцы хæдзармæ, кæнæ-иу сæ баныгæдтой хæдзармæ ‘ввахс, йе та сæ-иу судзгæ бакодтой (уыцы предметтæй куыд хъуамæ спайда кодтаиккой, уый баст уыдис хин сæйраг нысан æмæ предметты магион миниуджытимæ).

кæс Ирон адæмы этнографи æмæ мифологи